Situada no Camiño Norte de Santiago, arquitectonicamente non se distingue das outras igrexas do concello, exceptuando a igrexa nova de San Cosme. Sen embargo,  a visita ao seu interior farase pausadamente, admirando a riqueza artística que posúe. 

A súa advocación dedícase a San Xusto e San Pastor e a súa existencia remóntase ao século XVI, sendo remodelada nos anos noventa. 

Destaca o retablo maior de tres corpos, de estilo barroco, realizado no século XVIII en madeira de castaño, adornado con columnas salomónicas e abundante decoración alegórica.

Ámbolos retablos laterais situados no cruceiro, son de estilo neogótico e dunha fermosa factura.

Dous confesionarios e un púlpito de delicado traballo de ebanistería e gran valor artístico completan o conxunto.

– Consultar horario de misa. Non dispón de horario de visita. –