Construída en 1911 por un emigrante a Cuba, trátase dunha versión decorativista da casa autóctona.

A fachada principal é a máis importante en canto á carga ornamental estando protagonizada pola fermosa porta de acceso sobre a que se asenta un elegante miradoiro provisto de cristais finamente decorados. Se levantamos brevemente a vista, será o friso profusamente adornado con medallóns nos que se inserta a flor de lis, o que capte, de inmediato, a nosa atención.